Bydd ein tîm digwyddiadau arbennig yn helpu i wireddu eich breuddwydion. Dan arweiniad Beth, steilydd a threfnydd priodasau sydd wedi ennill gwobrau, mae gan y tîm ddiddordeb angerddol mewn trefnu digwyddiadau o ansawdd, ac mae ganddynt lygaid craff am fanylion. Mae priodasau Castell Llansteffan yn cael eu trefnu’n bersonol ac yn benodol ar eich cyfer i weddu eich anghenion. Fe’n cefnogir gan gyflenwyr gorau’r rhanbarth, a byddwn yn eich helpu i ddod o hyd i’r rhai sy’n cyd-fynd â’ch gweledigaeth yn y ffordd orau bosibl. Rydym yn mynd ymhell uwchlaw’r disgwyl wrth gynllunio’r digwyddiad gyda chi, a byddwn yn rhedeg y sioe ar eich diwrnod mawr; y cyfan y bydd angen i chi ei wneud fydd ymlacio a mwynhau.

Bydd eich seremoni briodas ramantus, ‘agos atoch chi’ yn cael ei chynnal o fewn waliau tawel ein castell mawreddog. Ac iddo naw can mlynedd o hanes, mae’r castell wedi goresgyn nifer o frwydrau tywysogion Cymru a stormydd ein harfordir epig – dyma leoliad perffaith i uniad a fydd yn para am byth.

Beth am wneud y gorau o'n cefn gwlad gogoneddus a'n harfordir trawiadol yn Sir Gâr drwy ymestyn eich dathliadau dros y penwythnos? Mae gan ein llety ar Ffermdy mawr cyfagos olygfeydd godidog o’r aber, ac mae’n cysgu deg o bobl. Cyn hir byddwn hefyd yn cyhoeddi llu o brofiadau ychwanegol, gan gynnwys blasu wisgi a fforio ar yr arfordir.